ilustrasi-palontaraq.id
Ku Lilis Yuliati, S.Pd., M.Pd.
Ngolembar
Mangsa pepedut lingsir
Nuturkeun mega hideung anu ngagantung
Nyangsaya na tungtung langit di beh wetan
Teu walakaya…
Angkeub nutupan langit
Nyimbutan rasa nu meh tiwas
Kingkilaban
Disamber kilat anu pating burisat
Mancawura
Nyesakeun keclak cai hujan maseuhan buana jagat
Anu limpeu kulimis kabulusan
Ditutugan rasa anu tunggara
Ngahelas
Ngoredaskeun pangharepan anu suwung
Ngolembar nyesakeun panglamunan
Dina pangacian anu ilang tanpa karana
Banyuresmi, 221120
Sareng Saha Atuh?
Teu sapira memang
Tapi memang asa teu di sapirakeun
Lalakon anu diguar ku salira
Meungkeut meulit dina ati sanubari
Asa murilit…
Nyungkelit pait ngaleled kulit
Salira ngembang kadu
Kalapa bijil ti cungap
Rusiah kedal ngalir sapada harita
Teu kedah di korek
Atanapi ku jeujeur di useup
Sangkan nyanggut neureuy eupan
Keom rasa teu percaya
Tah gening…
Salira ngangken
Pertarosana, sareng saha atuh?
Banyuresmi, 251120.
Oleh: Rudi Herdiana Grahabignews, Garut – Dandim 0611/Garut Letnan Kolonel Czi Dhanisworo, S.Sos meninjau lokasi… Read More
Oleh: Yani Supriatna, MP Grahabignews, Garut - Dinas Pertanian Kabupaten Garut berkolaborasi dengan Balai Perlindungan… Read More
Oleh: Rudi Herdiana Grahabignews, Garut - Dinas Lingkungan Hidup (DLH) Kabupaten Garut terus gencar mengatasi… Read More
Oleh: Gun Gun Imat Grahabignews, Garut - Berbagi kebahagiaan di Bulan Suci Ramadhan, berupa berbagi… Read More
Oleh: Rudi Herdiana Grahabignews, Garut - Menjelang Hari Besar Umat Islam, tepatnya Hari Raya Idul… Read More
Oleh: Ghani Purnama Grahabignews, Sumedang - Anggota DPR RI Fraksi Partai Golkar, Hj Itje Siti… Read More