Pileuleuyan

Pileuleuyan

Ku :  Lilis Yuliati

Wanci geus meujeuhna meletek sarangenge

Sanajan ibarna teu pati bengras

Katutupan mega hideung

Siga nu nguyung

 

Lir ibarat hiji totonden

Sapu nyere bakal udar tina tali

Leupas dina beungkeutan anu hiji

Paburencay duka kamana

 

Tetela totonden jadi nyata

Poe ieu niti wanci nu mustari

Ninggang mangsa nu sampurna

Beungkeutan kudu leupas

 

Pileuleuyan…

Papisah kudu di sorang

Paanggang bakal di lakon

Paturay urang papisah

 

Ninggalkeun rupa-rupa carita

Nu kungsi dipilampah

Diteundeun dina handeuleum sieum

Disimpen dina wening ati

 

Pileuleuyan…

Babarengan nyumponan paniatan

Neang elmu nu mangfaat

Bekel jaga sararea

 

Binakarya, 24 Juni 2023