Kuring Dimana?
(Katineung kanggo SPGN Garut)
Ku: DASHEWA
Kuring dimana?
Ulah, ulah deuk ngukuhan inyana keur sukana
Kuring dimana?
Boa suda sadrah tumarima
Ngadon neuteup ka sareupna
nu salin peteng!
Kuring dimana?
Naha bet teu eungeuh?
Srangenge mah unggal fajar meletekeun harepan teu dipalire
Ulah deuk ngeukeuhan keukeuh!
Srangenge nikreuh ngendoran lengkah nalar, teu burung anjog ka burit
Kuring dimana?
Mun nepi ka tungtung magrib
cengcelengan gaplah nambahan deui sapoe na diri
Kuring dimana?
Anggurning surahan fajar nu ngalingsigkeun imaniah wasuh diri cikahuripan nyalangkrung dina sanubari, nu lawas ngahaja dilimpudan
Kuring dimana?
diusir sapajodogan!
(Saung Kj, 17 Januari 2024)